Бейнебақылау камераларында түскен видеода ер адам полиция бөлімінің аумағына қайтыс болғанға дейін келгені көрінеді. Фотоны Солтүстік Қазақстан облысы полициясының баспасөз қызметі жариялады.
Новоишимское аудан орталығындағы полиция учаскесінің аумағында ер адамның денесі табылды, деп хабарлайды Kazpravda.kz тілшісі Солтүстік Қазақстан облысы полициясының баспасөз қызметіне сілтеме жасап.
Жарияланған ақпарат бойынша, 27 маусым күні таңертең Ғабит Мүсіреповтің атындағы аудандық полиция учаскесінің кезекші бөліміне Новоишимское ауданындағы полиция әкімшілік ғимаратының аумағында 56 жастағы ер адамның мәйіті табылғаны туралы хабарлама келіп түсті.
«Бейнебақылау камераларына түскен видеода ер адам аудандық полиция учаскесінің 2-ші әкімшілік ғимаратына қарай жолдан өткені көрінеді. Ол ғимарат аумағына өзі барған, кейін оның денесі табылды», — делінген хабарламада.
Сондай-ақ, №2 ғимараттың аумағы қорғалмайды және аудандық полиция учаскесінің ғимаратынан 100 метр қашықтықта орналасқан.
«Бұл дерек сотқа дейінгі тергеудің бірыңғай тізілімінде тіркелді. Қажетті сараптамалар тағайындалды әне тергеу амалдары жүргізіліп жатыр, оның нәтижесі бойынша түпкілікті процессуалды шешім шығарылады. Қызметтік тексеру жүргізіледі», — делінген хабарламада.