Қырғызстанның Нарын облыстық соты Қырғызстан азаматы Бекназар Боругул уулун «Вагнер» ЖӘК құрамында Украинадағы қақтығысқа қатысқаны үшін кінәлі деп таныдыы. 7 желтоқсанда жарияланған сот шешімі Нарын қалалық соты шығарған шешімді растайды.
27 жасар Нарын облысының тұрғыны Ресей түрмесінде жазасын өтеп жатқанда «Вагнер» ЖӘК қатарына қосылғаны үшін 2023 жылдың тамыз айында ұсталды. Ер адам Қырғызстанға оралғаннан кейін небәрі үш апта өткен соң тұтқындалды.
Ұлттық қауіпсіздік комитеті сотталушыға қатысты «Қырғызстан Республикасы азаматының шет елдің аумағындағы қарулы қақтығыстарға немесе әскери іс-қимылдарға қатысуы немесе террористік акт жасау үшін дайындықтан өту» бабы бойынша тергеу жүргізіліп жатқанын хабарлады. Арнаулы қызмет жариялаған видеода ер адамның ұсталғаны, тінту жұмыстары, сондай-ақ сотталушының соғысқа қатысуының егжей-тегжейі, соның ішінде оның наградалары мен «Вагнер» логотипі бар рәміздер көрсетілді.
Бұл Украинадағы соғысқа қатысқаны үшін Қырғызстанда ұсталған екінші адам. 2023 жылдың мамырында сот Қырғызстан азаматы Аскар Кубанычбек уулун 10 жылға бас бостандығынан айырды, алайда сол жылдың тамыз айында Жоғарғы сот істі аудандық сотқа қайта қарауға жолдап, алдыңғы инстанциялардың шешімдерінің күшін жойды.