Өскемен қаласының билігі 9 мамырға орай мерекелік отшашу ұйымдастырылатынын хабарлады.
Жеңіс күні сағат 10:00-де Даңқ мемориалында ардагерлердің, тыл еңбеккерлерінің қатысуымен салтанатты іс-шара (құттықтау, гүл шоқтарын қою, мерекелік концерт) өтеді.
Сағат 19.00-де кешкі мерекелік бағдарлама, ал 21.00-де «Шам жақ» акциясы өтеді.
Сағат 22.00-де Даңқ мемориалының жанында отшашу болады.
Қазақстан астанасында Жеңіс күніне орай мерекелік отшашу болмайды. Биыл Қорғаныс министрлігі әскери парад өткізбейді. Қазақстан қалаларында «Жаужүрек полк» акциясы онлайн-форматта өтеді.
