Шымкентте бұрынғы полиция қызметкері тағы да шу шығарды. Бұған дейін гүлдің ақшасын төлемей аты шыққан ер адам әйелдің телефонын тартып алып, әлеуметтік желінің жұлдызына айналды. Полиция тексеруді бастады, ал әлеуметтік желі қолданушылары ер адамның кім екенін танып, бұған дейінгі жанжалды оқиғаға байланысы барын айтып отыр.
Полиция тексеріс жүргізіліп жатқанын айтып, ер адамның жеке басы анықталғанын растады, ол ішкі істер органдарының қызметкері емес екені алға тартылды.
Бұған дейінгі гүлдің ақшасын төлемеу оқиғасына келер болсақ, бұрынғы полиция қызметкеріне қатысты қылмыстық іс «қылмыс құрамының болмауына байланысты» тоқтатылды. Гүл дүкенінің иесі арызын қайтарып алды, экс-полицей өз еркімен жұмыстан кетті.