Шымкентте тұрғын үйде екі жылан шығып, тұрғындардың зәре-құтын алды. Олар құтқарушылардан көмек сұрап, шақырған.
Қалалық төтенше жағдайлар департаментінің баспасөз қызметі хабарлағандай, тұрғын үйге жылан кірді деген хабарлама түнгі сағат 01:00 шамасында келіп түскен. Жедел-құтқару жасағының қызметкерлері оқиға орнына келіп жеткен. Олар екі жыланды ұстап алып, қауіпсіз жерге алып шығарды. Жылан үй ішіне кіреберістегі есік арқылы кіріп кеткені анықталды.
Бір жыланның ұзындығы бір метрден асады, екіншісі сәл кішірек болды. Құтқарушылар бұл балапаны бар ұрғашы болуы мүмкін деп санайды. Айта кетейік, ағымдағы жылдың мамыр айында Шымкентте екі тұрғын үйде жылан табылды.