Швейцария «Әл-Қаида» және «Ислам мемлекеті» террористік ұйымдарының (екеуі де ҚР-да тыйым салынған — ред.) қызметіне тыйым салудың маңыздылығын мәлімдеді7
Аталып өткендей, бұл процедура террористік ұйымдарға қатысушылар мен қолдау білдіргендерге «жазалауды жалғастыруға» мүмкіндік береді.
Ел үкіметі «Әл-Қаида» және «Ислам мемлекеті» террористік ұйымдарының және осыған ұқсас ұйымдардың қызметіне тыйым салуды күшінде қалдырды. Тиісті хабарлама сәрсенбі күні Федералдық кеңестің сайтында жарияланды.
«Федералдық кеңес Швейцарияны лаңкестік шабуылдардан қорғағысы келеді және «Әл-Қаида», «Ислам мемлекеттері» және оларға ұқсас топтарға қатысты тыйым салуды күшінде қалдырады. 19 қазанда өткен отырыста ол барлау туралы федералдық заңға негізделген осы мәселеге қатысты шешімді мақұлдады», — деп түсіндірді үкімет.
Осы уақытқа дейін Швейцарияда «Әл-Қаида» және «Ислам мемлекеті» топтарының қызметіне тыйым салу 2014 жылғы 12 желтоқсандағы заңмен реттелген. Алайда 2015 жылдың 25 қыркүйегінде ел парламенті барлау туралы заң қабылдады, ол үкіметке террористік ұйымдардың қызметіне тыйым салуға өкілеттік берді. Сәрсенбі күні өткен отырыста Федералдық кеңес осы құқығын қолданды. Бұл процедура террористік ұйымдарға қатысушылар мен қолдау білдіргендерге «жазалауды жалғастыруға» мүмкіндік береді.
Берн террористік топтар тарапынан ішкі қауіпсіздікке төнген қатерді «өте қауіпті» деп бағалайды. «Әл-Қаиданың», сондай-ақ «Ислам мемлекетінің» пікірінше, Швейцарияны исламға қарсы батыс әлеміне жатады деп санайды, бұл оларға террористік акт жасауға негіз болып табылады», — деп атап өтті үкімет.