Германия Канцлері Олаф Шольц НАТО блогы Ресей Федерациясына ешқашан қауіп төндірмегенін мәлімдеді.
Неміс канцлері соғыс қимылдары басталғанға дейін РФ президентіне Украинаның НАТО-ға мүшелігі қауіпті емес екеніне сендіргенін мәлімдеді.
Ол РФ президенті Владимир Путинді Украинаға шабуыл жасады деп айыптады. Бұл туралы Die Welt басылымы хабарлады.
Осылайша, Шольц НАТО елдері соғысқа дейін РФ-ның қауіпсіздік мүддесіне мән бермеді деген айыптарды жоққа шығарды.
«НАТО ешқашан Ресейге қауіп төндірмеген», — деп мәлімдеді Германия канцлері Кеңсенің бақшасында Ашық есік күнінде.
Шольцтің айтуынша, соғыс қимылдары басталмас бұрын ол Путинге алдағы 30 жылда Украина Солтүстік Атлант альянсына қосылмайтынын бірнеше рет сендірген.
Ол Путиннің идеялары «мүлдем ақылға қонымсыз» екенін айтты. Мәселен, Ресей президенті Шольцқа «Беларусь пен Украина жеке мемлекет болмауы керек» деп айтқан.
«Ресей көршілес елді жаулап алу ниетімен бастаған соғыс — менің ойымша, Путинде еуропалық ландшафт бойынша фломастермен белгілеп, содан кейін «бұл менің жерім, ал бұл — сендердікі» деген идея болды, — деп канцлер, «бұл дұрыс емес» деді.
Ол сондай-ақ РФ президентімен диалогты тоқтатпайтынын мәлімдеді, себебі «қорқытуға жол бермеу керек».