Шығыс Қазақстан облысы Күршім ауданында орман өртенді. Бұл туралы ШҚО Төтенше жағдайлар департаментінің баспасөз қызметі хабарлады.
Ведомство «Марқакөл орман шаруашылығы» РММ, Бобровка орманшылығы және Төсқайың ауылдық округі аумағында шөптер, бұталар, ағаштар өртенгенін хабарлады.
Өрттің алдын-ала аумағы 300 га құрайды, ең жақын елді мекен — Тоскаин ауылы, 10 шақырым жерде орналасқан. Оған ешқандай қауіп жоқ.
Өртке қарсы күреске ШҚО ТЖД өрт сөндірушілерінің, орманшылардың және жергілікті атқарушы органдардың, полицияның 114 адамы мен 17 техникасы жұмылдырылды, сондай-ақ, МИ-2 тікұшақтары мен Еурокоптер іске қосылды. Өскемен қаласынан көмекке ШҚО ТЖД өрт сөндірушілері келді (жеке құрамнан 46 адам және 6 бірлік техника көлемінде).
Өртті сөндіру қиын таулы жерлермен, ауа райы жағдайларымен күрделенген.Өртті атпен және жаяу тәртіпте сөндіруге тура келеді.
Ведомствоның мәліметінше, Шығыс Қазақстанда бірнеше күн бойы өрт қауіптілігінің жоғары санаты сақталуд. Өрт сөндірушілер тәулік ішінде шөпті сөндіруге 10-15 рет шығады.
ШҚО ТЖД азаматтарға өрт қауіпсіздігі ережелерін қатаң сақтау туралы еске салады. Өрт кезінде 101 және 112 нөмірі бойынша хабарлау қажет.
4 қыркүйекте ШҚО-да «Зырян орман шаруашылығы» КММ, Быков орманшылығы аумағында шөп пен бұта өртенді.
6 қыркүйекте өрттің аумағы 167 гектардан 400 гектарға дейін жеткені белгілі болды.
Өртті жоюға ШҚО, орман шаруашылығы кәсіпорны, әкімдіктің 300-ге жуық адамы мен 24 бірлік техника, сондай-ақ су төгетін құрылғысы бар МИ-8 тікұшағы (жалпы көлемі 6 тонна су) жұмылдырылды.
2 қыркүйек күні Қостанай облысының екі орманшылығының аумағында өрт болды, 4 қыркүйекте қызыл жалын 43 мың гектардан астам аумақты шарпыды. Бірнеше ауданның тұрғындары қауіпсіз жерге эвакуацияланды. Өрт салдарынан 11 адам зардап шекті, біреуі қаза тапты.Төтенше жағдайға байланысты өңірге жұмыс сапарымен президент Қасым-Жомарт Тоқаев келіп, Әулиекөл ауданындағы табиғи өрттерді жою жұмыстарының барысын бағалады. ҚР ТЖМ басшысы Юрий Ильиннің айтуынша, алдағы екі күнде өрт сөндіріледі.