Депутат Ольга Поперечина Парламент Палаталарының бірлескен отырысында сөйлеген сөзінде Республикалық бюджеттің кірісіне Ұлттық қор трансферттерінің үлесі артып барады деп хабарлады. Ол қордан бюджетке жинақтардың 40%-ы бөлінгенін айтты.
Перепечинаның айтуынша, Ұлттық қор жинақтаудан тұтыну режиміне ауысып кетті.
Біз қалыптасқан тенденцияға өте мұқият болуымыз керек. Республикалық бюджеттің кірісінде Ұлттық қор трансферттерінің үлесі жыл сайын өсіп келеді: 2020 жылы ол 40%-ды құраған. Пандемияға байланысты жағдай жақсарады дегенге әлі сенім жоқ, ал мемлекеттік міндеттемелердің көлемі өсуде, әлеуметтік блокқа жұмсалатын шығындар бюджет көлемінің 40%-дан астамына құрайды, — деді депутат.
Ол дағдарыс кезінде бұл шара мәжбүрлі әрі негізді болғанын айтты. Бірақ сенатор енді басқа кіріс көздерін іздеу керек деп санайды.
Әлемдік экономиканың түбегейлі өзгеруі аясында шикізаттық емес кірістердің жаңа көздерін іздеу және болашақ ұрпақ қаражатын, Қазақстанның «қауіпсіздік көпшігін» басқару тәсілдерін қайта қарау қажет, — деп түйіндеді сөзін депутат.