11 қаңтар күні Шымкентте 2010 жылы 11 маусымда дүниеге келген сегізінші сынып оқушысы Қаниұлы Тұрдалы дене шынықтыру сабағы кезінде есінен танып, қайтыс болды. Мектеп медбикесі Гүлжамал Розиева алғашқы медициналық көмек көрсетіп, жедел жәрдем шақырды. Шақыртуға келген жедел жәрдем бригадасы арнайы жедел жәрдем бригадасын шақырды. Өкінішке қарай, олар келгенше жасөспірімнің жүрегі тоқтап қалды.
Қалалық білім басқармасы бұл оқиғаны растап, қазіргі уақытта құзыретті органдар аталған оқиғаға тергеу амалдарын жүргізіп жатқанын атап өтті. Олар сондай-ақ қаза болған оқушы ортаншы бала болғанын айтты.