Ол атап өткендей, онда алғаш рет Мәскеудің мәдени-адамгершілік құндылықтарын қорғауға және киберкеңістіктегі әрекеттерге деген жаңа көзқарасы егжей-тегжейлі көрсетілген.
Ресей қорғаныс саласында да, мәдени-адамгершілік саласында да Батысқа қарсы ұзақ мерзімді және көпвекторлы саясат жүргізуге дайын, бұған РФ Ұлттық қауіпсіздік стратегиясының жаңа редакциясы дәлел.
Джон Кертин атындағы университеттің профессоры (Перт, Батыс Австралия) Алексей Муравьев — ұлттық қауіпсіздік және стратегиялық зерттеулер саласындағы маман.
«Ұлттық қауіпсіздік доктринасы — 2021 жарияланған жаңа редакциясы алдыңғы редакция қабылданған сәттен бастап әлемдегі геосаяси және геостратегиялық жағдайдың күрт шиеленіскенін көрсетеді. Құжат Мәскеудің «ұжымдық Батысқа қарсы» ұзақ мерзімді және көпвекторлы саясат жүргізуге дайын екені және саяси шешімін қорғаныс пен экономикалық тәуелсіздік сияқты дәстүрлі салаларда да, киберкеңістікте де, мәдени-адамгершілік салада да айқын аңғартады», — деді Муравьев.
Сарапшы атап өткендей, Мәскеудің мәдени-адамгершілік құндылықтарын қорғауға деген жаңа көзқарасы алғаш рет РФ Ұлттық қауіпсіздік стратегиясында көрсетілген. «Сонымен қатар, жаңа редакция РФ Конституциясына енгізілген өзгерістер мен толықтыруларды көрсетеді», — деп түсіндірді ол.
Муравьевтің пікірінше, қорғаныс қабілетін нығайту және ішкі бірлікті сақтау бағыты елдің егемендігін және оның дербес сыртқы және ішкі саясат жүргізу құқығын қорғауға да қызмет етеді. «Ресейдің демографиялық мәселелеріне баса назар аудара отырып, ел басшылығы адам жұмылдыру ресурстарының жағдайын түзетуге тырысады, сол арқылы ірі ауқымды соғыс жағдайында жұмылдыру резервін және елдің экономикалық өрлеуі мен одан әрі дамуы үшін білікті жұмыс күшінің қажетті көлемін сақтап қалады», — деді ол.
РФ президенті Владимир Путин Ұлттық қауіпсіздік стратегиясының жаңа редакциясын бекіту туралы Жарлыққа қол қойған болатын. Алдыңғы редакция 2015 жылғы 31 желтоқсаннан бастап қолданыста болған.
Муравьев — австралиялық ғалым, ұлттық қауіпсіздік және стратегия форумының негізін қалаушы және директоры. Ол қауіпсіздік мәселелеріне арналған көптеген жарияланымдардың авторы және осы саладағы халықаралық сарапшы ретінде танылған.