Санкт-Петербургте Ресей Президентінің төрағалығымен Жоғары Еуразиялық экономикалық кеңестің (ЖЕЭК) негізгі отырысы өтіп жатыр. Қазақстан Президенті Қасым-Жомарт Тоқаев Владимир Путиннің шақыруымен саммитке қатысты. Еуразиялық экономикалық одақ мемлекеттерінің көшбасшылары интеграциялық процестерді одан әрі дамытудың негізгі міндеттері мен бағыттарын талқылауда. Отырыс тікелей эфирде көрсетіледі. ЖЕЭК отырыстары тұрақты түрде өткізіліп келеді, осы жиын ұйым тарихындағы 21-ші отырыс, бұл елдер арасындағы ынтымақтастықтың маңызды екенін көрсетеді.