Санкт-Петербургте әскери комиссариатты өртеген әйел 10 жылға бас бостандығынан айырылды. Мәліметтер бойынша, мұндай қадамға баруға алаяқтар итермелеген, олар ұрланған қаражатты қайтаруға уәде беріп, алдап кеткен.
1 тамыз күні кешкісін Жұмағұл Құрбанова Ағылшын даңғылында орналасқан әскери комиссариатқа кіріп, кіреберіске тез тұтанатын сұйықтық құйып, ғимаратты өртеген. Ертесі күні ол ұсталды. Құрбанова ғимаратты өртеу алдында алаяқтар оның жинаған қаражатын ұрлап, миллион рубль қарызы бар деп қорқытып, өздері берген тапсырманы орындау үшін 50 мың рубль уәде беріп, қылмыс жасауға итермелегенін айтты.
Әуел баста әйелге мүлікті бүлдірді деп айыпталды (әскери комиссариатқа 91 мың рубль зиян келтірілген), алайда кейінірек қылмыстық іс теракті ретінде қайта қарастырылды. Жұмағұл келтірілгенін залалды өтеп, өз кінәсін мойындап, өкініш білдірді. Бірінші Батыс округтік әскери соты айыптау үкімін шығарып, 10 жылға бас бостандығынан айырды, ол жазасын жалпы режимдегі колонияда өтейді.