Samsung алда шығатын Phone 16-мен бәсекелесу үшін қолжетімді жиналмалы телефон жасауды жоспарлап отыр. Бұл туралы The Elec басылымының дереккөзі растады.
Телефонды әзірлеу барысында Samsung — Z Fold6 және Z Flip6 жиналмалы телефондарының жаңа буыны үшін өндіріс процестерін оңтайландыруға баса мән берілген. Басылымның мәліметі бойынша, олардың өндірісін іске қосу мамыр айына жоспарланып отыр, бұл әдеттегі мерзімдерді қысқартып, құрылғылардың таныстырылымы шілде айында өтеді деп болжануда.
Флагмандық үлгілерден бөлек, Samsung Z Fold6 және Z Flip6 құрылғыларының таныстырылымы өткен соң бірнеше айдан кейін нарықта жиналмалы телефонның неғұрлым қолжетімді нұсқасы ұсынылады деп жоспарланып отыр. Бұл алдын ала қыркүйек немесе қазан айында өтуі мүмкін. Бұл қадам iPhone 16 смартфонын сатып алуды жоспарлап, бірақ қолжетімді нұсқаны қарастырып жүрген тұтынушыларды қызықтыруға бағытталған.
Қолжетімді Z Fold моделінің сипаттамасы әлі де жұмбақ күйінде қалып отыр, бірақ Samsung құрылғыны арзанырақ ету үшін дизайн мен функционалына ерекшелік жасалынады деп күтілуде. Ерекшеліктердің бірі ретінде S Pen стилусы болмауы мүмкін.
Әзірге жаңа өнімнің нақты бағасы жарияланбады, бірақ Samsung смартфоны нарықта iPhone 16-мен бәсекелесу үшін бағасын 1000 доллардан асырмай, бәсекеге қабілеттілігін сақтауға тырысады деп күтілуде.