Тайынша ауданындағы су шаруашылығы су қоймаларының бірінде балық өлімі тіркелді.
Облыстық орман шаруашылығы және жануарлар дүниесі аумақтық инспекциясының мәліметінше, Шағлытеңіз көлі Солтүстік Қазақстан облыстық аңшылар мен балық аулаушылар қоғамының пайдалануында. Инспекция қызметкерлері көлге шығып, кристиан тұқы балығының өліміін растады. Балық қаңқалары қамыс аймағынан табылды, су айдынының жағасынан өлі кристиан тұқы табылмады. Жергілікті жерге құрамында инспекция қызметкерлері, табиғат пайдалануды реттеу табиғи ресурстар басқармасы, экология департаменті, ветеринарлық қызмет бар ведомствоаралық жұмыс тобының шығуы жоспарлануда. Экология департаменті басшысының орынбасары Азамат Бектасов ведомство зертханасының базасында көлден алынған су сынамасына талдау жасалатынын атап өтті. Жағдайды табиғат қорғау прокуратурасы бақылауға алды. Қадағалау органының баспасөз қызметінен хабарлауынша, мүдделі ведомстволар балық өлімінің нақты себебін анықтау үшін су айдынына кешенді тексеру жүргізеді. Нәтижелер мен қабылданған шешім туралы хабарлауға уәде берілді. Естеріңізге сала кетейік, мамыр айында М.Жұмабаев ауданындағы Питное көлінде 500 кг кристиан тұқы балығының өлімі болған болатын. Сол кезде балықтың өліміне су қоймасының түбінен күкірт сутегінің шығарылуы себеп болған.