Алматыда тау бөктерінде құрылыс кезінде көптеген бұзушылықтарға жол берілген «Мечта» тұрғын үй кешенін бұзу жұмыстары басталды. Құрылыс кезінде көптеген бұзушылықтар анықталғаннан кейін сот осындай шешім қабылдады.
Алматының қала құрылысын бақылау басқармасының мәліметінше, «Мечта» тұрғын үй кешенінің құрылысы кезінде көптеген бұзушылықтарға жол берілген. Тұрғын үй кешенінің өзі тұрғын үйді пайдалану және қызмет көрсету үшін нысаналы мақсаты бар жер учаскесінде орналасқан. Осылайша, жеке тұрғын үйдің атын жамылып тұрғын үй кешенін тұрғызып, сондай-ақ құрылыс салушы қала тұрғындарын адастыра отырып, пәтер ретінде іске асыруды жоспарлады.
Басқарма ҚР Сыбайлас жемқорлыққа қарсы іс-қимыл Агенттігімен заңсыз құрылысты бақылауды күшейту бойынша бірлескен жұмыс шеңберінде объектіге жоспардан тыс тексеру жүргізген болатын. Алайда, құрылыс салушы жіберілген бұзушылықтарды жоюға берілген нұсқаманы орындамады, нәтижесінде сот талқылаулары ұзақ уақытқа созылды. Алматы қалалық сотының және Жоғарғы соттың шешімімен нысан бұзылатын болды.
Айта кету керек, ТК бұрын БАҚ-да жылжымайтын мүлікті сатып алу үшін ұсынылмайтын нысан ретінде жарияланған және заңнама мен құрылыс нормаларының талаптарын бұза отырып салынған 54 таулы аймақтардағы объектілерінің тізіміне енгізілген.