Рудный қаласында жаппай улану жағдайы тіркелді. 70 колледж студенті қаланың медицина мекемелеріне жүгінген.
Рудный тау-кен технологиялық колледжінде жаппай тамақтан улану жағдайы орын алды.
70-ке жуық колледж студенті қаланың медициналық мекемелеріне жүгінді. Олар жүрегі айнып, құсқысы келетінін айтып шағымданды.
«Студенттер ауруханаға жаппай шағымданды. Олардың жағдайы жеңіл және орташа ауыр. Көпшілігі амбулаториялық емдеуге жіберілді. Дәрігерлер олардың асқазанын жуып, алғашқы көмек көрсетіп, үйлеріне қайтарды», — деп түсіндірді облыстық денсаулық сақтау басқармасы.
Басқарма 10 студенттің ауруханаға жатқызылғанын хабарлады.
