Саммитте Еуропалық Одақ, Латын Америкасы және Кариб бассейні елдерінің мемлекет басшылары Ресейдің Украинаға қарсы соғысы туралы бірлескен мәлімдеме бойынша келісе алмады. Ақпарат көздері Reuters-ке сілтеме жасап, Украинадағы жағдайға қатысты дау саммитте, әсіресе, Кремльмен тығыз байланысы бар Куба мен Никарагуа секілді Латын Америкасындағы елдердің арасында келіспеушіліктер туғызды деп хабарлайды. Олар Ресейді айыптауды болдырмауға бағытталған ұстанымда болды.
18 шілдеде өткен саммитке қатысуға келген Ирландия Премьер-министрі Лео Варадкар Украина бойынша нақты мәлімдеме жасау қажет екенін атап өтті. Ол дүйсенбі күні кешкісін өткен келіссөздер туралы хабарлап, көптеген елдер Украинаның тәуелсіздігі мен бостандығын нақты қолдайтын мәтінге қол қойғанын айтты. Осыған қарамастан, бір немесе екі ел келісімге қол қоюдан қалыс қалды.
Люксембург Премьер-министрі Ксавье Беттель де бұл мәселеге қатысты өз ұстанымын білдіріп, коммюниканы «тарихты өзгерту» үшін пайдалануға болмайтынын атап өтті. Жағдай шешілмеген күйде қалып отыр және халықаралық қоғамдастық Ресей мен Украина арасындағы қақтығысқа қатысты ортақ көзқарас үйлестіруде сын-қатерге тап болып отыр.