Мәскеудің Ресейде тыйым салынған «Талибан» қозғалысының содырларымен сөз байласуы туралы пікірлер дәлелденбеген, деп мәлімдеді АҚШ қарулы күштері Орталық қолбасшылығының басшысы генерал Кеннет Маккензи. Ол ведомство аталған ақпараттың дәлелдерін іздестіруді жалғастырып жатқанын, алайда сенімді дәлелдер табылмағанын атап өтті.
АҚШ-тың, талибандармен және ауған билігімен жасаған келісімі үзілу қауіпінде.
Бұл АҚШ-тың президенттік жарысындағы жағдайын айтарлықтай өзгертуі мүмкін.
«Бұл мені қанағаттандыратын айқындылық деңгейінде дәлелденбеді. Мен түпкілікті байланысты көрген жоқпын, сондықтан мен өз жігіттерімді кері жіберіп, оларды іздестіруді жалғастыруға бұйырдым. Біз зерттеуді жалғастырып жатырмыз, себебі бұл мәселе АҚШ күштеріне қауіп төндіреді», — деп14 қыркүйекте NBC оның сөзін келтірді.
Маусым айында NYT-де Ресей «Талибанға» Ауғанстандағы америкалық әскерилерді жойғаны үшін сыйақы ұсынды деген мақала шықты.
Осыдан кейін The Washington Post басылымы бірнеше американдық әскерилердің «сөз байласу» салдарынан қаза тапқанын жазды. Бұл ретте басылым дәлел де, тіпті дереккөздер де келтірген жоқ.
Өз кезегінде американдық барлау мен Ақ үй мұндай ақпаратты сенімсіз деп атады. Ресей Сыртқы істер министрлігі талибандармен байланыс туралы жарияланымды «интеллектуалдық қабілеті төмен арандатушылар» деп түсіндірді.
Сонымен қатар, БАҚ жарияланымдарының мазмұнын талибандардың өздері де жоққа шығарды.
