Ресей Федерациясы мен Халықаралық Қызыл Крест комитетінің араласуымен Арменияға оралған тұтқындар дәрігерлердің бақылауында болады.
Армения вице-премьері Тигран Авинян әлеуметтік желілердегі парақшасында армян тұтқындарының қайтарылғаны туралы жазды.
“Құрметті отандастар, бүгін тұтқында болған 4 армян Арменияға РФ мен Халықаралық Қызыл Крест комитетінің делдалдығымен оралды. Олар енді дәрігерлердің бақылауында және қажетті медициналық және моральдық-психологиялық көмек алуда. Тұтқындармен алмасу процесі жалғасуда”, – деп атап өтті Үкімет басшысының орынбасары.
Естеріңізге сала кетейік, 15 желтоқсанда РФ делдалдығымен Арменияға Әзірбайжаннан 44 тұтқын оралған болатын.
