Ресей Федерациясының арнайы қызметтері жүргізген операция нәтижесінде Мәскеудегі синагогалардың біріне шабуыл жасамақ болғандардың жолы кесілді. Калуга облысында өткен операция барысында террористік акт ұйымдастырмақ болған екі қазақстандықтың көзі жойылды.
ASTRA Telegram-арнасы жариялаған және Ресей ФҚҚ-ның баспасөз қызметі растаған ақпаратта Ислам мемлекетіне қарасты Ресейде тыйым салынған «Вилаят Хорасан» тобының мүшелері елордадағы діни мекемеге қарулы шабуылды жоспарлаған. Террористтер 7 наурыз күні таңертең жеке үйден анықталды, сол жерде олары қарулы қарсылық көрсетті.
Операция нәтижесінде 35 жастағы Сәбит Әшірәлиев пен 32 жастағы Жәнібек Тасқұлаев қаза тапты, Ресейлік арнайы қызметтердің мәліметінше, олар Ресейге ақпан айының соңында келген. Тінту кезінде атыс қаруы, оның ішінде Макаров тапаншасы мен Калашников автоматы, сондай-ақ жарылғыш заттар жасауға арналған материалдар табылды.
Бұл операция террористік актілердің алдын алу және азаматтардың қауіпсіздігін қамтамасыз ету бойынша ресейлік арнаулы қызметтер тиімді жұмыс істеп жатқанын көрсетеді. Билік халықты қырағы болуға және кез келген күдікті әрекеттер туралы хабарлауға, сол арқылы қоғамдық қауіпсіздік пен тұрақтылыққа ықпал етуге шақырады.