Қазақстанда шетелдіктерді Астана әуежайында Республика күніне орай сыйлықтармен қарсы алып жатыр. Акция ҚР Шекара қызметінің бастамасымен өтуде.
Қорапшада құттықтау сөздермен қатар ұлттық мереке туралы мәлімет берілген және шекарадан өту сұрақтары бойынша кеңес алу үшін байланыс телефондарының нөмірлері көрсетілген.
Алматыда шоколадпен бірге қаланың символы алма ұсынылды.
Шекара қызметі хабарлағандай, өткізу пункттерінде жолаушылар үшін бақылаушылардың жұмысын бағалауға арналған штрихкодтар орналастырылды.
Жолаушылардың тексеру процедурасын жылдамдатуға арналған «E-gate» программалық-аппараттық кешені енгізілуде.