Ресейлік жоғары оқу орындары қазақстандық студенттердің диплом жұмыстарын қашықтықтан қорғауды ұйымдастыра алады. Бұл туралы РФ-ның Қазақстандағы Елшілігінде айтылды.
Елшіліктің дипломаттары Ресейдің ғылым және жоғары білім министрлігімен, Ресейдің Білім және ғылым министрлігінің және еліміздің жетекші жоғары оқу орындарының басшыларымен қазақстандық студенттерді оқыту мәселесі бойынша келіссөздер жүргізді.
“Ресейлік тарап қазіргі таңда эпидемиялық жағдайға байланысты Ресейге келуге мүмкіндігі жоқ қазақстандық студенттер қашықтықтан оқи алады деп сендірді. Атап айтқанда, ғылым және жоғары білім министрлігі ресейлік ЖОО-ларды жеке оқу жоспарларын әзірлеуге немесе академиялық демалыс беруге шақырды “, – делінген хабарламада.
Сондай-ақ, қашықтықтан оқыту форматына ауысқанына байланысты ешкімді оқудан шығарып жібермейтіндігі, ал оқуды бітіргенге дейін елге кіре алмайтын түлектер үшін дипломдық жұмыстарды қашықтықтан қорғау қарастырылғаны атап өтілді.
Сондай-ақ, ресейлік тараппен қайтып келге қазақстандық студенттерге коронавирус үшін ПТР-тестілеуді ұйымдастыру және 14 күндік карантиннен өту үшін жатақханалардан орындармен қамтамасыз ету туралы уағдаластыққа қол жеткізілді.
Елшілік қазақстандық студенттердің жағдайын бақылауда ұстап отыр, жұмыс әрі қарай жүргізілуде. Қазақстандықтарды білім беру ұйымдарынан шығаруға байланысты мәселелер туындаған жағдайда, олар жеке негізде қарастырылатын болады.
