GSMA байланыс операторларының жаһандық қауымдастығы ресейлік «Мегафон» байланыс операторын қауымдастықтан шығарғанын мәлімдеді.
Хабарламада оның не үшін шығарылғаны атап көрсетілмеген.
«Біз халықаралық қауымдастық шешіміне таңырқап отырмыз, бұл қадамның ешқандай құқықтық негізі жоқ, біз өз мәртебеміздің қалпына келтіру жолдарын қарастырып жатырмыз», — деп мәлімдеді «Мегафон» өкілі «Ведомостьқа».
GSMA техникалық стандарттарды әзірлеумен және анықтаумен айналысады. Мәселен, қауымдастық келесі буын ұялы байланыс желілеріне қандай технологиялар негізінде болатынын шешеді.
Аталған қауымдастыққа мүше ресейлік компаниялардың арасында МТС, Beeline және Tele2 бар. Олар GSMA-дан осындай хабарлама алған жоқ, деп жазады ресейлік БАҚ.
GSMA — ірі халықаралық операторлар мен жабдықтар өндірушілерінің бірлестігі. Ұйым 1995 жылдан бері жұмыс істеп келеді, оның қатарында әлемнің түкпір-түкпірінен мыңнан астам компаниялар мен ұйымдар бар.
