Ресейдің Украина аумағында бастаған қарулы қақтығысына байланысты батыс елдері Ресейге қатаң санкциялар салды, бұл тек РФ-ның шенділеріне ғана емес, сонымен қатар қарапайым ресейліктерге де әсер етті. Батыс елдері қалыптасқан жағдай үшін Ресей Федерациясы мен оның басшылығы жауапты деп отыр.
«Ресейдің басқыншы әскерлері жерүсті шабуылдары барысында Кремль күткен нәтижелерге қол жеткізе алмады. Мәскеу басқа тактиканы, атап айтқанда терроризмді қолдануға мәжбүр болды. 6 ай бойы Ресей Федерациясы Украина аумағына зымыран шабуылдарын жасады. РФ әр түрлі қалаларда орналасқан нысандарға бір мезгілде жаппай соққы бере отырып, «зымыран шабуылын» күшейтуде. Украина президенті Владимир Зеленскийдің мәлімдемесіне сәйкес агрессор ел Украина аумағына 3000-нан астам зымыран ұшырды. Ресей Федерациясының әрекетінен Украинада 1000-нан астам бала зардап шекті. Соғыс басталғаннан бергі соңғы мәліметтер бойынша Украинада 361 бала қаза тауып, 714-тен астам бала жарақат алған», — деп хабарлайды украиналық сарапшылар.
Бұл ретте батыстық саясаттанушылар зымыран шабуылдары балабақшаларға, мектептерге, университеттерге және т.б. инфрақұрылым объектілеріне мақсатты түрде жасалып жатқанын айтып отыр. РФ басшылығы осы азаматтық ғимараттардың аумағында УҚК-ның әскери объектілерінің барын алға тартып отыр. «Украина Қорғаныс министрлігінің мәліметінше, ресейліктердің зымыран шабуылдарының тек 30%-ы ғана әскери нысандарға, ал қалған 70%-ы азаматтық инфрақұрылымға бағытталған». — деп хабарлайды Украинаның ашық ақпарат көздері.
Украина аумағындағы қарулы қақтығыстың салдарынан РФ үшін терроризмге демеуші ел деп танылған жағдайда әлемнен толық оқшаулануы мүмкін
Әлемдік қауымдастық Украина билігінің Ресейді терроризмге демеуші ел деп тану туралы ұсынысын талқылауда. Мәселен, 11 тамызда Латвия Сеймі 67 парламентарийдің дауысымен Ресейді терроризмді қолдайтын ел деп тану туралы шешімді қолдады. Бұл ретте Латвия басқа да елдерді осындай шешім қабылдауға шақырады. Бұған дейін америкалық конгрессмендер Ресейді терроризм демеушісі деп жариялауды талап ететін (бірінші емес) заң жобасын қарауға ұсынған болатын, бұл елді Солтүстік Корея, Иран, Сирия және Куба секілді елдермен бір қатарға қояды.
Украиналық сарапшылардың пікірінше, бұл қадам Кремльге қысымды одан әрі күшейтіп, америкалық азаматтар үшін Ресеймен ешқандай қарым-қатынасты орнауына жол бермейді, бұл РФ-ны өркениетті әлемнен одан әрі оқшаулатады.
Украина аумағындағы қарулы қақтығыстың салдарынан РФ үшін терроризмге демеуші ел деп танылған жағдайда әлемнен толық оқшаулануы мүмкін
Терроризмге демеуші ел мәртебесі — бұл санкциялардың белгілі бір көлемі, мемлекеттің оқшаулануы, кейбір өнімдер бойынша автоматты түрде эмбарго енгізіледі. АҚШ билігі мұндай мемлекетке санкциялардың төрт негізгі санаты жатады: 1. Экономикалық көмекті қоса алғанда, АҚШ тарапынан көмекке шектеулер. 2. Мұндай елге қорғаныс мақсатындағы өнімді экспорттауға және сатуға тыйым салу. 3. Қосарланған мақсаттағы тауарлардың экспортын бақылаудың қосымша шаралары. 4. Әртүрлі қаржылық және басқа да шектеулер.