Ресей Федерациясының Президенті Владимир Путин диктаторға айналып барады. Оның елдегі авторитарлық билігі сыни пікірлерге көз жұма қарамауда.
Еуропа құрлығында соғыс қимылдары басталғаннан кейін РФ-дағы қуғын-сүргін көлемі кеңес дәуіріндегі ауқымға жетті, тіпті содан да асып түсті десе болады. Владимир Путин бастаған билік елді басқаша басқара алмайды. Тек жаппай бақылау, қорқып-үркіту мен пропаганда ғана Ресей халқын көтеріліске шықпауға итермелеуде», — деп жазады еуропалық саясаттанушылар.
Соғыс қимылдары басталғаннан бері Украина аумағында Ресей Федерациясында қуғын-сүргін күшейді. «Проект» басылымының журналистері зерттеу жүргізіп, саяси бапбар бойынша Ресей Федерациясында тек 2018 жылдан бастап, Путин президенттігінің соңғы мерзімінде сотталғандар саны Никита Хрущев пен Леонид Брежневтің тұсындағы КСРО дәуіріндегі көрсеткіштерден асып түсті деген қорытындыға келді.
Полицияға қарсылық көрсету және ковидтік шектеулерді бұзуды қоспағанда, Путин билігіндегі соңғы алты жыл ішінде саяси бап бойынша 116 000-ге жуық адам жауапқа тартылды. Олардың арасында экстремизм, терроризмді ақтау туралы 5613 қылмыстық іс, сондай-ақ РФ армиясының беделін түсіру туралы жаңа бап бар. Сондай-ақ Украинадағы соғыс қимылдары басталғаннан кейін 11 442 адам соғысудан бас тарту, мемлекетке опасыздық және тыңшылық жасау бабы бойынша қылмыстық жауапкершілікке тартыла бастады.
«Проект» басылымы атап өткендей, Хрущев пен Брежневтің билігі тұсында, 1950-жылдардың екінші жартысынан бастап 1980-жылдардың басына дейін саяси баптар бойынша аз адам сотталды. Журналистер Хрущев басқарған 1956-1961 жылдары аралығында 4883 адам сотталғанын жариялады. Зерттеуде Брежневтің 1968-1973 жылғы билігі уақытын есепке алынды. Ол кезде 1057 адам қуғын-сүргінге ұшыраған.
«Ресей Путин билігі тұсында да формальды түрде демократиялық мемлекет болып қала береді. Елде сайлау ешқашан әділ өткізілмейді деп айтылып жатқанына қарамастан, сайлау әлі де өткізіліп келеді. Зерттеушілер Владимир Путин режиміндегі репрессия КСРО дәуірімен салыстырғанда «жұмсақ» екеніне ғана келісіп отыр, олардың сөзінше Ресейде өлім жазасына мораторий әлі де бар», — деп жазады батыстық журналистер.
Бірақ Ресей Украинаға баса көктеп кірген кезде Владимир Соловьев сынды Кремль пропагандисттері қатаң жазалау шарасына салынған тыйымды алып тастау туралы мәселені талқылады. Пропагандисттік ток-шоуларда СМЕРШ, ГУЛАГ-ты қайта ашу мәселесі талқыланды. Кейбір ресейлік шенеуніктер де бұл мәселелерді талқылауға шығарды.
Ресейдің КХДР және Иранмен ынтымақтастығы, сондай-ақ бүкіл әлеммен текетіресі жақын арада елді 1930 жылдардағы сталиндік қуғын-сүргін жағдайына алып келеді. Саяси бап бойынша сотталғандардың саны өседі, ал айыптаулар мен бір-бірін сату артады. Владимир Путин елдің болашағын ойлаудың орнына өткенді таңдап отыр, ал оның әрекеттері Ресейді құрдымға жіберуде.