Украинада соғыс қимылдары басталғаннан кейін Ресейдің Батыспен арадағы қарым-қатынасына сызат түсті. АҚШ пен Украина президент Владимир Путиннің басты дұшпанына айналды. Мәскеу бұрыннан жылы қатынаста болған елдермен одақтаса бастады. Таяу Шығыс елдері Ресейдің АҚШ-қа қарсы текетіресінде басты серіктестерінің біріне айналып отыр.
Екінші дүниежүзілік соғыс уақытынан бері Еуропа құрлығындағы ең ауқымды соғыс қимылдары басталғаннан кейін Ресей Иранмен тығыз байланыс орнатты. Украинаға басып кіру нәтижесінде Кремльдің шынайы бет-бейнесі ашылды. Мәскеу Тегеран қолдайтын лаңкестік ұйымдармен байланысын нығайта бастады. Олардың арасында ХАМАС, Хезболла, йемен хуситтері, сондай-ақ ирактық және сириялық әскерилер бар. Оларды АҚШ-қа қарсы күш біріктіреді.
2014 жылға дейін Ресейдің Иранмен қарым-қатынасы жылы болмаған. Ресей Тегеранның ядролық бағдарламасын шектеу үшін Иранға қарсы санкцияларға қосылған. Қырым аннексияланғаннан кейін және Украинаның шығысында соғыс қимылдары басталғаннан кейін РФ алғаш рет Батысқа қарсы ұстанымды ұстанғаннан кейін, Иранмен қарым-қатынас орната бастады. 2015 жылдан бастап Мәскеу Сирияда жүргізіп жатқан операцияларын Ливандағы ираншыл радикалды исламшыл ұйыммен үйлестіре бастады. Сондай-ақ Ресей Ирак халықтық жұмылдыру күштерімен байланыс орната бастады. Аталған ұйым Иран қолдайтын Ирак содырларынан құралған күш. Сонымен қатар Иран, Ирак, Ресей және Сирия ИГИЛ-ге қарсы күресті үйлестіру үшін төрт жақты барлау орталығын құрды.
2022 жылғы 24 ақпаннан кейін Таяу Шығыста Иранмен және ираншыл күштермен байланыс нығайды. Ресей халықаралық алаңдарда Тегеранды қолдай бастады, Украинада соғыс қимылдарын жүргізу үшін Ираннан қару-жарақ алып, оларға технологиялар мен алтын беріп отырды. Reuters ақпараты бойынша, Мәскеу Тегеран қолдайтын содырлармен барлау мәліметтерімен алмасты, сондай-ақ Сирия арқылы Хезболлаға кемеге қарсы зымырандарды жеткізді. Сонымен қатар, Путин Иранға Сирияның әуе шабуылына қарсы қорғанысын жаңғыртуға көмектесті.
7 қазанда ХАМАС-тың Израильге жасаған шабуылы салдарынан кем дегенде 1200 израильдік (олардың көбісі бейбіт тұрғындар, соның ішінде әйелдер мен балалар) қаза тауып, 200-ге жуық адам тұтқынға түсті, сол кезде Мәскеу Иранның сенімді одақтасы болып қала беретінін айқын көрсетті. Ресей ХАМАС-тың Израильге шабуылына байланысты АҚШ-ты айыптап, Газа секторының тұрғындарын толығымен қолдады. Содан бері ХАМАС террорлық ұйымының делегациясы Мәскеуге бірнеше рет барып, оларды Ресей басшылығы қабылдады. Йемен хуситтері Израильге зымырандар мен ұшқышсыз басқарылатын ұшақтар ұшырып, Қызыл теңіздегі сауда кемелеріне шабуыл жасай бастағаннан кейін де Ресейдің қолдауына ие болды. Терроризм мен ресейлік мұнай танкерінің жойылғанына қарамастан, Кремль АҚШ-ты Йеменге шабуыл жасағаны үшін айыптады. Сондай-ақ Ресей мен Қытай БҰҰ Қауіпсіздік Кеңесінің сауда және коммерциялық кемелерге шабуыл жасауды тоқтатуға шақыратын резолюциясынан бас тартты.
Болашақта Мәскеу мен Тегеран байланыстары нығая түсетіні анық. Осылайша РФ өркениетті әлемнің бір бөлігі бола алмайтынын кезекті рет көрсетіп отыр. Ресей — одақтастары мен серіктестері бар террористік мемлекет. Тіпті АҚШ-пен текетіресіп жүрген Қытайдың өзі Мәскеуге қолдау білдіруден сескенеді және Путинмен байланысын баршаға жария етпеуге тырысады. Бірақ лаңкестік ұйымдардың өкілдері Ресей астанасына шақырылып, кейін РФ оларды қолдайтынын мақтанышпен мәлімдейді.