Ресей Украина аумағында ұрыс қимылдарын бастағанына үш айдың жүзі өтті.
Еуропа елдері Украинаға қару-жарақ жеткізіп және Ресейге қарсы толассыз санкциялар салып қолдау көрсетуде. Қазіргі таңда әлем елдері Ресейге қарсы санкциялардың бес пакетін бекітті, жақында алтыншы пакет жарияланады, онда қорғаныс өнеркәсібі кешенінің 17 компаниясы санкцияға ұшырап, сондай-ақ Ресей мұнайын сатып алуға эмбарго жарияланады.
«Енгізілген санкциялардың барлығына талдау жасай отырып, Путин бұрыннан келе жатқан арманы — КСРО-ны қайта жаңғыртуға жәймеңдеп келе жатыр десе болады. Ресей басшылығы сол уақыттан тек «темір перде», дефицит және бизнесті мәжбүрлеп мемлекет меншігіне алу сияқты құбылыстарды ғана қайтарып алды. Ресей экономикасы Кеңес Одағы ыдырағаннан бергі ең ауқымды дағдарысқа дайындалып жатыр», — деп жазады украиналық саясаттанушылар.
Көптеген компаниялар өз имиджін ойлап, Ресейде бизнес жүргізуден бас тартуда және барлық байланысты үзуге тырысып жатыр
Ресей батыс әлемінен толығымен оқшауланды. «Көптеген компаниялар өз имиджін ойлап, Ресейде бизнес жүргізуден бас тартуда және барлық байланысты үзуге тырысып жатыр, олар РФ-ға өнім жеткізуді тоқтатты, өз өкілдіктерін жапты және т.б. Ресейлік ұшақтарға Еуропаға ұшуға тыйым салынды, ресейліктер шетелге ақша аудара алмайды», — деп мәлімдейді украиналық саяси технологтар.
Бұл саладағы мамандар ресейлік бұқаралық ақпарат құралдарының әрекетіне қатысты пікір білдірді. «Ресейлік пропаганда, өз кезегінде, халыққа батыс елдерінің әрекеттері Ресейдің дамуына және күшейе түсуіне көмектеседі деп отыр. РФ батыстық технологияларға да, тауарларға да мұқтаж емес. Ресейлік шенеуніктердің айтуынша, туындаған жағдай — елге жаңа мүмкіндіктер ашады, енді өз өндірісін, машина жасау және т.б. дамытуға болады. Өкінішке қарай, бұл үкіметтің кезекті сандырағы және пропаганданың ресейліктердің басын айналдыруы. РФ-да Apple, Samsung немесе Tesla-ның өнімдеріне ұқсас дүние шығара алмайды», — деп жазады украиналық саясаттанушылар.
Көптеген компаниялар өз имиджін ойлап, Ресейде бизнес жүргізуден бас тартуда және барлық байланысты үзуге тырысып жатыр
Сондай-ақ, жақында ресейлік автоөндірушілердің бірі Батыс енгізген санкциялардың салдарынан ала алмай отырған бөлшектердің орнына қосымша бөлшектерді жеткізу туралы Иранға жүгінуге мәжбүр болғаны белгілі болды. «Бұл РФ-ның басқа мемлекеттерге тәуелді екенін тағы да көрсетеді», — деп жазады украиналық саясаттанушылар.
