Ресей мұнайына ішінара эмбарго салуды қамтитын Еуроодақпен келісілген санкциялар Ресейдің жылына $22 млрд мұнай кірісін жоғалтуына әкеп соғуы мүмкін. Бұл туралы Bloomberg басылымы хабарлады.
Олардың есептеуінше, 2021 жылы жеткізілім көлеміне және 2022 жылы Urals маркалы мұнайдың орташа бағасына (бұл шамамен барреліне $85) сүйене отырып, Польша мен Германияға «Дружба» мұнай құбырының солтүстік тармағы бойынша жеткізуді тоқтату нәтижесінде тікелей шығындар Ресейдің кірісін $12 млрд-қа қысқартады.
Бұл ретте Ресей «Дружба» оңтүстік тармақтары арқылы Венгрия, Словакия және Чехияға экспорттаудан шамамен $6 млрд табыс түсіп отырады.
Бұдан басқа, Ресей мұнайды сату бағасының айырмашылығына байланысты тағы да $10 млрд көлемінде қосымша шығынға ұшырауы мүмкін, себебі оны ЕО нарығының орнына Азияға айтарлықтай жеңілдетілген бағада сатуға мәжбүр болады.
