РФ-ның Қазақстандағы Төтенше және өкілетті елшісі Алексей Бородавкин «Росатом» мемлекеттік корпорациясы Қазақстан аумағында атом электр станциясын салуға дайын екенін айтты.
Электр энергиясының болжамды жетіспеушілігін ескере отырып, АЭС құрылысы Қазақстан үшін ерекше өзекті тақырыпқа айналуда.
«Қазақстан әлемдегі басқа елдер сияқты таза энергетикаға мұқтаж. Бұл саладағы тиімді шешімдердің бірі — атом электр станциялары. Электр энергиясының болжамды тапшылығын ескере отырып, Қазақстан үшін АЭС құрылысы ерекше өзекті тақырыпқа айналуда. Росатом станцияның қауіпсіздігі мен экологиялық тазалығына кепілдік бере отырып, бұл жобаны қолға алуға дайын», — деді РФ елшісі.
Сондай-ақ ол кейбір бейтарап ақпарат құралдарында таратылған бейбіт орыс атомы туралы фобиялардың шындыққа ешқандай қатысы жоқ екенін айтты. Ресейлік АЭС-тарда қолданылатын ең заманауи технологиялар құрылыс кезінде де, осы объектілерді пайдалану кезінде де тәуекелдердің болмауын қамтамасыз етеді.
Оның үстіне таза электр энергиясынан басқа, АЭС жобасы Қазақстан экономикасының көптеген салаларына серпін береді, білікті жұмыс орындарын ашады және ядролық физика саласында жоғары білім сапасын арттырады.