Соғыс қимылдары әрқашан қатыгез болғанымен, кейбір әскерлер адамгершілікке жатпайтын қылмысқа басқалардан гөрі бейім болады. Ресейдің Украина аумағында соғыс қимылдары басталғалы бері Ресей әскерлері тек украиналық бейбіт тұрғындарын ғана емес, украиндық әскери тұтқындарға қатысты көптеген соғыс қылмыстарын жүзеге асырды, деп мәлімдейді украиналық БАҚ.
Ресейліктердің Буча, Ирпен, Гостомель қалаларында бейбіт тұрғындарға қарсы жасалған соғыс қылмыстары туралы украиндық қана емес, батыстық басылымдар да жазды. «Аталған қалаларда көптеген адамдар азапталып, кейіннен әйелдер, балалар, қарттар өлтірілді», — делінген баспасөз беттерінде. Бұл тақырып түрлі деңгейде, соның ішінде омбудсмен Денисованың арқасында кеңінен талқыланды.
Украина президенті Владимир Зеленскийдің айтуынша, 7 айдың ішінде Украинаға жіберілген ресейлік қанатты зымырандардың жалпы саны 3500-ге жақындап қалды. Айта кету керек, Украина қауіпсіздік қызметінің мәліметінше, Украинаға жасалған 20 зымыран соққысының біреуі ғана әскери нысанға жасалды, қалғандары инфрақұрылымды зақымдады. «Осылайша, Кремльдің негізгі мақсаты — бейбіт халықты үркіту. Путин режимі осы айларда жүздеген мектептерді, ауруханаларды, университеттерді, балабақшаларды және т.б. жойды», — деп жазады украиналық саясаттанушылар.
Фото: Украина президенті Владимир Зеленскийдің айтуынша, Украинаға ұшығарылған ресейлік қанатты зымырандардың жалпы саны 3500-ге жақындады
Сарапшылар қазіргі таңда Украинаға кассеталық оқ-дәрілермен жасалған шабуылға ұшыраған жалғыз мемлекет екенін бірнеше рет мәлімдеді. Ұрыс қимылдар басталғалы бері және шілде айында осындай оқ-дәрі түрінен кем дегенде 689 бейбіт тұрғын зардап шеккен. Аталған оқ-дәрі 10 өңірдің аумағында жүзден аса қолданылғаны тіркелді.
Анықтама! 2008 жылдан бастап кассеталық оқ-дәрілерге тыйым салынған.
Әлеуметтік желілер мен бұқаралық ақпарат құралдарында Ресей армиясы әскери тұтқындарға Женева конвенциясының нормаларына сәйкес қарамауда деген ақпарат таралып жатыр.
Еленовкадағы украиналық әскери тұтқындар отырған колонияға жасалған шабуыл қоғамдық резонансты тудырды.
«Еленовка украиндықтар жаппай қырылған орынға айналды. 29 шілдеде ресейлік басқыншылар Еленовкадағы колонияға шабуыл жасады. Қаза тапқандардың нақты саны әлі күнге дейін белгісіз. Өз кезегінде Ресей тарапы Украина күштерін шабуыл жасады деп айыптап, 53 адам қаза тапқанын мәлімдеді. 40 күннен астам уақыт өтті, бірақ халықаралық гуманитарлық құқық нормаларына қарамастан, украиндық әскери тұтқындарға Халықаралық Қызыл Крест комитетінің өкілдері жіберілмеді. РФ тұтқындарға ешкімді жақындатпауда. Киев колонияға жасалған шабуылдың мақсаты Ресейдің тұтқындарды азаптап, өлтірген жасыру екенін айтып отыр», — деп хабарлайды украиналық белсенділер.
Егер әлем бұл қайғылы оқиғаға тиісті түрде шара қолданбаса, онда бұл Ресей армиясы тарапынан бұдан да жауыз және адамгершілікке жатпайтын қылмыстарға жасалуы мүмкін, деп есептейді саясаттанушылар.