Қазақстандықтар референдумға 52 елде дауыс бере алады
Шетелдегі мекемелерде дауыс беру 5 маусым күні жергілікті уақыт бойынша сағат 07:00-20:00 аралығында өткізілетін болады.
Қазақстанның 52 елдегі дипломатиялық өкілдіктері 5 маусымда Қазақстан конституциясына өзгерістер енгізу мәселесі бойынша референдумға дауыс беру үшін 65 учаскелік комиссия ұйымдастырды. Бұл туралы сенбі күні ҚР СІМ баспасөз қызметі хабарлады.
«Шетелдегі Қазақстан азаматтары конституцияға өзгерістер мен толықтырулар енгізу бойынша референдумға қатыса алады. Қазақстанның шетелдегі мекемелерінің жанынан 52 шет мемлекетте 65 учаскелік комиссия құрылды», — делінген хабарламада.
Дауыс беруге қатысу үшін белсенді сайлау құқығы бар, тиісті шет мемлекетте тұратын немесе жеке, қызметтік, іскерлік пен туристік мақсатпен жүрген және ҚР азаматының жарамды паспорты бар Қазақстан Республикасының азаматтары учаскелік комиссия құрылған Қазақстанның дипломатиялық өкілдігіне жүгіне алады.
Шетелдегі мекемелер жанындағы дауыс беру референдум өткізілетін күні маусым жергілікті уақыт бойынша сағат 07: 00-ден 20: 00-ге дейін өткізілетін болады. «Сонымен бірге, шетелдегі сайлау процесін уақтылы және толықтай дайындау мақсатында Қазақстан Республикасының азаматтарын жақын маңдағы сайлау учаскесіне алдын-ала хабарласып, сайлаушылар тізіміне енгізу үшін мәлімет берулерін сұраймыз», — деп атап өтті сыртқы саясат ведомствосы.
