ҚР Сыртқы істер министрлігі: Ресейдегі қайғылы оқиға қос ел арасындағы дипломатиялық байланыстарға әсер етпейді
ФҚҚ мен қылмыскерлер арасындағы атыс нәтижесінде Қазақстанның екі азаматы қаза тапты. Аталған оқиғаға қарамастан, Қазақстан Республикасы СІМ ресми өкілі Айбек Смадияров бұл қайғылы оқиға Ресей мен Қазақстан арасындағы дипломатиялық қарым-қатынасқа ешқандай әсер етпейді деп мәлімдеді. «Жоқ, ешқалай (әсер етпейді. — Авт.)», — деп баса айтты ол.
Бұған дейін ресейлік БАҚ пен Telegram-арналарда терактінің жолы кесілгені туралы ақпарат таратылған болатын. Олардың мәліметінше, «Вилаят Хорасан» тобының (Ислам мемлекетінің бөлімшесі) екі мүшесі мәскеулік синагогаға қарулы шабуыл жасауды жоспарлаған. Қазақстанның Ұлттық Қауіпсіздік Комитеті Ресейдің күш құрылымдары теракт ұйымдастырмақ болған Қазақстанның екі азаматының көзі жойылғаны туралы ақпаратты растады.
ФҚҚ мен күдіктілер арасындағы атыс 7 наурыз күні таңертеңгісін орын алды. Осы оқыс оқиғаның ресми мәлімдемелері мен егжей-тегжейі тергеу барысында ұсынылатын болады.