Мемлекет басшысының баспасөз хатшысы Берік Уәли Президент Тоқаевтың бүгін коронавирустық инфекцияға қарсы вакцинаның екінші дозасын алғанын айтты. Ол өзін жақсы сезінеді, кестеге сәйкес қызметін қызу атқарып жатыр. Қасым-Жомарт Кемелұлы еліміздегі вакцинация қарқынын төмендетпеу керек деп санайды. Мемлекет басшысы екпе салдыру барлық шектеулерден арылтып, қайта қалыпты өмірге бастайтын, COVID-19 пандемиясын жеңетін жалғыз жол екеніне кәміл сенеді, — деп жазды ол Facebook-тегі парақшасында.