ҚР Қорғаныс министрлігі әскери қызметшілер арасында өзіне-өзі қол жұмсау жиілеп кеткеніне байланысты мәлімдеме жасады

Қазақстанның Қорғаныс министрлігі бейбіт уақытта өзіне-өзі қол жұмсаған әскери қызметшілер үшін жауапты емес екенін мәлімдеді.

Атап айтқанда, Қорғаныс министрлігі «бейбіт уақытта аталған күштік құрылымдар Қарулы күштердің құрамына кірмейді және Қорғаныс министрлігі олардың қауіпсіздігін бақыламайды» деп атап өтті.

«Соңғы кездері еліміздің күштік құрылымдарында орын алған өзіне-өзі қол жұмсау фактілерінің жиілеуі түсіндіруді қажет етеді. Әскери қызметшінің өлімі тек Қарулы күштерде ғана емес, басқа да әскер түрлерінде орын алып отыр. Бағыныстылардың өмірі мен денсаулығына ҰҚК Шекара қызметі, ІІМ Ұлттық ұланы, Мемлекеттік күзет қызметі және Төтенше жағдайлар министрлігі де жауапты», — деп хабарлады Қорғаныс министрлігі.

Ведомствода атап өткендей, «бейбіт уақытта аталған күштік құрылымдар Қарулы күштердің құрамына кірмейді және Қорғаныс министрлігі олардың қауіпсіздігін бақыламайды».

» Қарулы күштерде болған әрбір жағдайды әскери полиция қызметкерлері және басқа да қылмыстық қудалау органдары мұқият тексереді. Тексеру нәтижелері өзіне-өзі қол жұмсау көп жағдайда әскери қызмет өткерумен байланысты емес екенін көрсетті. Әскерге шақыруға дейінгі кезеңде әскери қызметшілерді осындай әрекетке итермелейтін әр түрлі өмірлік жағдайлар кездесетінін ескеру керек», — делінген хабарламада. Суицид оқиғаларының жиілеуіне байланысты қорғаныс ведомствосы кешенді бағдарлама әзірлеуде. «Қазіргі уақытта Қорғаныс министрлігінің бастамасымен ғылым, құқық қорғау органдары мен үкіметтік емес ұйымдар өкілдерінің қатысуымен әскери ортада орны толмас шығындарды барынша азайтуға және суицидтің алдын алуға бағытталған «Өмірді сақта» кешенді бағдарламасы әзірленіп жатыр», — деп хабарлады Қорғаныс министрлігінің баспасөз қызметі.

 

Добавить комментарий