Ертең, бейсенбі күні, 2021 жылғы 30 желтоқсанда Қазақстанның алты облысы мен Шымкент қаласында дауылды ескерту жарияланды.
«Қазгидромет» РМК баспасөз қызметі: «30 желтоқсанда Түркістан облысының батысында, таулы және тау бөктеріндегі аудандарда тұман болады. Таулы аудандарда күндіз шығыстан секундына 15-20 метр жылдамдықпен жел соғады. Шымкентте 30 желтоқсанда түнде және таңертең тұман болады. Түркістанда 30 желтоқсанда түнде және таңертең тұман түседі», — делінген сәрсенбіде жарияланған дауылды ескертуде.
Бейсенбі күні Қарағанды облысының оңтүстігінде тұман түседі. Солтүстік-шығыстан, оңтүстік-батыстан секундына 15-20 метр жылдамдықпен жел соғады.
«30 желтоқсанда Қызылорда облысының орталығында тұман сақталады. Облыс орталығында солтүстік-шығыстан, күндіз шығыстан секундына 15-20 метр жылдамдықпен жел соғады. 30 желтоқсанда Қызылорданың кей жерлерінде тұман түседі. Шығыстан соққан желдің жылдамдығы секундына 15-20 метрге жетеді», — деп толықтырды «Қазгидромет».
Бейсенбі күні Батыс Қазақстан облысының солтүстік-шығысында тұман түседі. Шығыс, оңтүстік-шығыс, оңтүстік-батыстан секундына 15-20 метр жылдамдықпен жел соғады. Оралда 30 желтоқсанда түнде және таңертең тұман түседі.
«30 желтоқсанда Ақтөбе облысының солтүстігінде тұман түседі. Шығыстан, оңтүстік-шығыстан жел соғады, күндіз облыс орталығында секундына 18 метр жылдамдықпен жел соғады», — деп ескертті синоптиктер.
Бейсенбі күні Атырау облысының солтүстігінде жаяу бұрқасын, тұман, көктайғақ болады. Атырауда 30 желтоқсанда тұман түсіп, көктайғақ болады.