«Монета шоқжұлдызы-2020» XIV байқауының қорытындысы бойынша қазақстандық монета көрермен көзайымы жүлдесіне ие болды
Қазақстанның «Úki» монетасы «Көрермен көзайымы жүлдесі» номинациясының жеңімпазы атанды. Дауыс беру 15 қазан мен 15 желтоқсан аралығында арнайы порталда өткізілді.
Биыл байқауға әлемнің 17 елінен 26 қатысушы өз монеталарын ұсынды — олар Қазақстан, Ресей, Латвия, Қырғызстан, Польша, Венгрия және итағы басқалары. Бұдан өзге Лихтенштейн, Австралия, Италия, Нидерланд, Франция, Литва, Бельгияның монета сарайлары, сондай-ақ Numiartis (Германия), Power Coin (Италия) және Allcollect GmbH (Германия) сияқты монета дистрибьютерлері жұмыстарын ұсынды.
«Монета шоқжұлдызы» — Ресей аумағында өткізілетін естелік монеталарға арналған жалғыз халықаралық байқау. Оған әлемнің ұлттық банктері, монета сарайлары мен монета дистрибьютерлері қатысып, монеталарын ұсына алады.
Техникалық сипаттамалары:
Номиналы 5 000 теңгелік монеталар 925-сынамды күмістен жасалған, массасы — 25 oz (777,5 г), диаметрі — 100 мм, диаметрі 2 мм гауһар орнатылған, дайындау сапасы — «proof», таралымы — 200 дана;
номиналы 500 теңгелік монеталар 925-сынамалы күмістен жасалған, массасы — 31,1 г, диаметрі — 38,61 мм, диаметрі 1 мм гауһар орнатылған, дайындау сапасы — «proof», таралымы — 3 000 дана;
номиналы 200 теңгелік монеталар мельхиор қорытпасынан жасалған, массасы — 15 г, диаметрі — 33 мм, дайындау сапасы — «proof-like», таралымы — 5 000 дана;
100 теңгелік монеталар мельхиор қорытпасынан жасалған, массасы — 11,17 г, диаметрі — 31 мм, дайындау сапасы — «brilliant uncirculated», таралымы — 20 000 дана.