ЕЭК баспасөз қызметі Қырғызстан мен Қазақстан арасындағы төлемдерде теңгенің үлесі артып келе жатқанын хабарлады.
«Өзара саудада есеп айырысуды жүзеге асыру кезінде ұлттық валюталарды пайдалануды кеңейту — одаққа мүше мемлекеттердің экономикасының тұрақтылығын арттыру шараларының бірі. Ішкі өзара есеп айырысуда ұлттық валютадағы төлемдер 2013 жылғы 63%-дан соңғы есептік деректер бойынша 74%-ға дейін біртіндеп артып келеді. Бұл ретте доллардың үлесі 2013 жылғы 30%-дан 2021 жылы 19%-ға дейін төмендеді. Есеп айырысулардың басым бөлігі ресейлік рубльге тиесілі. Сонымен қатар, Қырғызстанның Қазақстанмен төлемдер құрылымында теңгенің үлесі өсуде (2013 жылғы 15%-дан 2021 жылы 24%-ға дейін)», — сәрсенбі күні жарияланған хабарламада.
ЕАЭО елдерінің ұлттық валютасымен өзара есеп айырысуға қатысты бірқатар тәжірибелік қадамдар жасалды. Мысалы, Армения ресейлік газды сатып алуда рубльмен төледі. ЕЭК энергетикалық ресурстар өзара саудада айтарлықтай үлеске ие екеніне назар аударды.
«Егер ұлттық валютамен өзара есеп айырысуға көшу сәтті болса, онда комиссияның бағалауы бойынша үлестің 85%-ға дейін немесе одан жоғары өсуін күтуге болады», — делінген хабарламада.
