ҚР-да не үшін санитарлық эпидемиологиялық мониторинг жүргізіледі

Денсаулық сақтау министрлігінде түрлі нысандарда санитарлық-эпидемиологиялық нормалардың сақталуын қадағалаудың маңыздылығын атап өтті.

ҚР Денсаулық сақтау министрі өзінің 2020 жылғы 13 қарашадағы бұйрығымен санитарлық-эпидемиологиялық мониторинг жүргізу ережесін бекітті.

Санитариялық-эпидемиологиялық мониторинг жинау, өңдеу, жүйелеу, талдау, бағалау және болжау, сондай-ақ халық денсаулығының жай-күйі мен адамның мекендеу ортасының жай-күйі арасындағы себеп-салдарлық байланыстарды айқындау арқылы халықтың денсаулығы мен мекендеу ортасының жай-күйін бақылаудың мемлекеттік жүйесі болып табылады.

Санитариялық-эпидемиологиялық мониторинг жүргізудің мақсаты адам денсаулығына тiршiлiк ету ортасы факторларының (химиялық, физикалық, биологиялық, әлеуметтік) әсер етуі туралы дәйекті ақпарат алу, уланулардың пайда болуының және инфекциялық аурулардың, кәсіптік аурулардың өршуінің алдын алу бойынша орындалатын іс-шаралардың тиімділігін бағалау, олардың пайда болуын болжау мүмкіндігі болып табылады.

Санитариялық-эпидемиологиялық мониторинг және орындалатын іс-шаралардың тиімділігін бағалау халық денсаулығы туралы кодексте көзделген тәртіппен мемлекеттік санитариялық-эпидемиологиялық нормалау жүйесі құжаттарының (санитариялық қағидалар, гигиеналық нормативтер, техникалық регламенттер, әдістемелік нұсқаулар мен ұсынымдар) талаптарына сәйкестігіне жүргізіледі.

Санитариялық-эпидемиологиялық мониторингті ұйымдастыру-әдістемелік, нормативтік-құқықтық және бағдарламалық-техникалық қамтамасыз етуге басшылықты және үйлестіруді халықтың санитариялық-эпидемиологиялық саламаттылығы саласындағы мемлекеттік орган жүзеге асырады.

Санитариялық-эпидемиологиялық мониторинг қадағалауға жататын объектілер мен өнімдерге, зертханалық және аспаптық зерттеулерге, инфекциялық, жұқпалы емес және кәсіби аурулардың көрсеткіштеріне, санитариялық-эпидемиологиялық және профилактикалық іс-шараларға қатысты жүргізіледі.

Добавить комментарий