Қазақстанда биылғы жылдың алғашқы алты айында мұнай өндіру көлемі төмендегені тіркелді.
Бұл туралы Стратегиялық жоспарлау және реформалар агенттігінің Ұлттық статистика бюросы хабарлады.
«Қазақстанда мұнай өндіру көлемі 2021 жылғы қаңтар-маусымда 36,2 млн тоннаны құрады, бұл 2020 жылғы қаңтар-маусыммен салыстырғанда 5,7%-ға аз», — делінген статистикалық ақпаратта.
Статистикалық мәліметтерге сәйкес, қаңтар-маусым айларында 6,2 млн тонна газ конденсаты (-4,2%), 27,4 млрд текше метр табиғи газ (-6,4%), 54,1 млн тонна көмір (-0,8%) өндірілді.
