ҚР-да халықаралық ақша аударымдары көлемі өсті

Қазақстан Ұлттық банкі ұсынған деректерге сәйкес халықаралық ақша аударымдарының көлемі өсті.

«Осы жүйелер арқылы жіберілген ақша аударымдарының жиынтық көлемі 2021 жылы 1,364 трлн теңгені құраған. Транзакциялар саны – 4,3 млн. 2020 жылмен салыстырғанда бұл көрсеткіш 21%-ға өскен. Қазақстаннан шетелге жіберілген ақша аударымдарының көлемі 28,3%-ға артса, шетелден Қазақстанға – 1,2%-ға қысқарды», — деп хабарлайды Ұлттық банк.

Ел ішіндегі ақша аударымдарының көлемі 35,4%-ға ұлғайып, 70,4 млрд тенгені құрады.

2021 жылы Қазақстаннан шетелге ХААЖ арқылы жіберілген ақша аударымдарының көлемі 1,010 трлн теңге болды. Шетелге жөнелтілген ақша аударымдарының негізгі үлесі Өзбекстанға (29,5%), Түркияға (20,9%), Ресей Федерациясына (17,5%), Қырғызстанға (14,3%) тиесілі.

Шетелден Қазақстанға өткен жылы 283,5 млрд теңге келіп түскен.

Қазақстанға ақша аударымдары негізінен Ресей Федерациясынан (18,7%), Өзбекстаннан (17,6%), Оңтүстік Кореядан (14,0%), Қырғызстаннан (12,0%) және АҚШ-тан (11,8%) болды.

Қазіргі уақытта Қазақстан аумағында халықаралық ақша аударымдарының 8 жүйесі («Золотая корона», «Вестерн Юнион», «Юнистрим», Contact, Faster, MoneyGram және басқалар) қолжетімді.

Добавить комментарий