Қазгидромет алдағы бірнеше күнге арналған ауа райы болжамын жариялады. 5-7 мамыр аралығында еліміздің солтүстігінде күн суытып, батыста жауын-шашын болады.
«Елдің солтүстік аймақтарында, оңтүстік аймақтарынан қарағанда әлі де көктемгі ауа райы орын алмайды. Бұл, оңтүстік аймақтарға Өзбекстанның аудандарынан келетін жылы ауа массалары мен солтүстік аймақтарына шабуыл жасайтын суық ауа массаларына байланысты», — деді «Қазгидромет» агенттігі.
Солайша, солтүстік-батыс антициклоны түнгі температураның төмендеуіне әкеледі.
Ал осы екі ауа ағынының соқтығысуы аясында, батыс өңірлерде жаңбыр (кей жерлерде қатты), найзағай, бұршақ және екпінді жел күтіледі.
