Ресей Президенті Владимир Путин 2022 жылы 24 ақпанда Украинаға қарсы бастаған соғыста жеңіске жете алмай келеді. Ол тез жеңіске жетемін деп ойлаған секілді, бірақ Мәскеу қанды соғысты жүргізіп, бар күшін жұмылдырып жатқанына екі жылдан асты. Киев Мәскеудің кез келген қоқан-лоқысынан қорықпайтын болды, себебі Ресей ұрыс қимылдарын жүргізудің барлық жолдарын, соның ішінде бейбіт халыққа қарсы лаңкестік шабуылды пайдаланды. Енді Владимир Путин ядролық қарумен қоқан-лоқы көрсетіп отыр. Батыс елдері Путиннің сөзіне сеніп отыр.
2022 жылғы 24 ақпанда Ресей Украинаға бас-көктеп кіре салысымен ядролық қарумен қорқыта бастады. Владимир Путин арнайы әскери операция басталғанын жариялап, кел келген елдің араласуы «тарихта болмаған» салдарға алып соғатынын ескертті. Төрт күннен кейін ол стратегиялық тежеу күштерін жауынгерлік әзірлікке келтіруге бұйрық берді.
Екі жылдан кейін Ресей Президенті 2024 жылғы 29 ақпанда федералдық жиналыста жыл сайынғы үндеуінде кезекті рет ядролық қоқан-лоқы жасады. Ол Украинаға батыс әскерлерін жіберу «ядролық қаруды пайдалану және өркениетті әлемді жоюға алып келетін қақтығыс қаупін турырады» деп мәлімдеді.
Бірінші және соңғы қоқан-лоқыны еске түсіретін болсақ, Путин Батыс елдері «қызыл сызықты» кесіп өтетін болса, әлемге ядролық қару қолданамын деп сес көрсеткен еді. Сонымен қатар Киев үшін шайқаста жеңілістен кейін және гуманитарлық ниетте қайта топтасқаннан кейін Батысты Украинаға қару-жарақ жібермеуге шақырды. Ресей әскері басып алынған аумақтан кері шегіне бастағаннан кейін, сондай-ақ Путин Ресейдің бір бөлігі деп жариялаған Херсонды тастап кеткеннен кейін, РФ президенті қызыл батырманы басқан жоқ, ол ақпарат алаңынан біраз уақытқа жоғалып кетті.
Ресей президенті қызыл сызық туралы бірнеше рет ескерткен еді, оны кесіп өтетін болса Ресей өз аумағын қорғау үшін қолда бар барлық құралдарын пайдаланады. Бірақ олай болған жоқ. Тіпті Қырымға үнемі шабуылдау, Қырым көпіріндегі жарылыстар, Қара теңіз флотының үштен бір бөлігін суға батыру, соның ішінде батыс қару-жарағын пайдалану да ядролық қаруды қолануға алып келмеді.
Киев Путиннен қорықпайды. Алайда Батыс елдері ядролық қоқан-лоқыдан сескенуде. Украина Президенті Владимир Зеленский Батыстың қорқынышы елдің әскери мүмкіндіктері үшін ең үлкен кедергі екенін айтты. «Біздің коалицияға осы тұжырымдамадан артық ештеңе кедергі келтірмеуде», — деп мәлімдеді ол 2024 жылдың қаңтарында.
Владимир Путиннің қоқан-лоқысы болашаққа деген қорқыныш тудырады, Ресей армиясы Украинада тоқтап қалмайды, ал ядролық соғыспен қорқыту әдісін пайдалана отырып, бірнеше жылдан кейін Еуропаның басқа елдеріне шабуыл жасауды жалғастырады, пропагандисттердің айтуынша, бұл жерлер тарихи Ресейге тиесілі. Айта кету керек, Путиннің аталған стратегиясының табысты болуы екі автократқа ядролық қоқан-лоқыны өз пайдасына пайдалануға мүмкіндік береді. Себебі Қытай мен КХДР-ның территориялды жанжалы бар. Мұндай вектор халықаралық хаосқа алып келеді.