Қарағанды облысында Приозерск қаласының полиция бөлімінің басшысы Жаңа жыл қарсаңында жергілікті мейрамханалардың біріне жұмыс істеуіне тыйым салғаны анықталғаннан кейін қызметінен босатылды. Прокуратура кәсіпкерлік қызметке заңсыз араласып, қоқан-лоқы көрсеткенін анықтады, салдарынан тәртіптік комиссия тарапынан тәртіптік шараға тартылды.
Әлеуметтік желілер мониторингтеу барысында Приозерск қаласының полиция бөлімінің бастығы мейрамхана әкімшісіне Қазақстан Республикасы Конституциясының 26-бабын бұза отырып, мереке қарсаңында жұмыс істеуге тыйым салатыны туралы телефон арқылы сөйлесуінің жазбасы анықталды. Бұл жағдай кәсіпкерлік қызметпен айналысу еркіндігін қорғаудың маңыздылығын көрсетеді.
Нәтижесінде Тәртіптік комиссия Приозерск қаласы Полиция бөлімінің бастығын атқаратын қызметінен босату туралы шешім қабылдады. Қазіргі уақытта тиісті материалдар ҚР ІІМ-ге жолданды. Сонымен қатар, аталған Полиция бөлімінің 5 лауазымды тұлғасы қатаң тәртіптік жауапкершілікке тартылды. Прокуратура Кәсіпкерлер мен инвесторлардың құқықтары бұзылған жағдайда дереу +7 778 099 91 11 нөмірі бойынша (Қарағанды облысы прокуратурасының мобильді тобы) немесе аумақтық прокуратура органдарының сайттарында көрсетілген нөмірлер бойынша хабарласуға шақырды.