Ұлттық құрылтай отырысында Қазақстан Президенті Қасым-Жомарт Тоқаев ддала өркениетінің сан мың жылдық шежіресі саналатын таңбалы тастардың жойылуына байланысты алаңдаушылық білдірді. Президент құзырлы органдарды осы бірегей тарихи нысандарды қорғау үшін барлық қажетті шараларды қабылдауға шақырды.
Ол сондай-ақ елімізде кәсіби археологтар тапшы, археологиялық қазба жүргізу үшін лицензия беру ісінде шешімін таппаған түйткілдер бар, соның салдарынан Қазақстанды «археология саласындағы күмәнді адамдар» жайлап алды. Тоқаев олардың кейбіреулері қыруар ақшаға жалған ғылыми қорытындылар беретінін, бұл маңызды археологиялық ескерткіштерді тонауға алып келетінін атап өтті.
Президент Қазақстанда жасалған көптеген археологиялық олжалар ақыр соңында шетелдегі жеке коллекциялар мен мұражайларда табылатынын атап өтті. Ол археология саласындағы заңнаманы жақсарту, сондай-ақ тарихи артефактілерді шетелден қайтару жөніндегі жұмысты жандандыру қажеттігін атап өтті.
Тоқаев Қазақстанның бай мәдени мұрасын қорғау мен сақтауды қамтамасыз ету үшін құрылтай мүшелері мен мәжіліс депутаттары осы мәселелерді шешу үшін бірлесіп жұмыс істеуі тиіс екенін атап өтті.