Мемлекет басшысы Қасым-Жомарт Тоқаев Қазақстанның бірқатар елдердегі елшілерін тағайындау туралы жарлықтарға қол қойды.
Арман Исағалиев ҚР-ның Египеттегі елшісі және ҚР-ның Алжир мен Тунистегі елшісі қызметінен босатылып, Қазақстан Республикасының Катар Мемлекетіндегі елшісі болып тағайындалды. Ол осы дипломатиялық қызметтен босатылған Асқар Шоқыбаевты ауыстырды. Ал Қазақстанның Египеттегі елшісі болып Шариф Лама тағайындалды.
Мемлекет басшысының Жарлығымен Қайрат Қайырбекұлы Лама Шариф Қазақстан Республикасының Сауд Арабиясы Корольдігіндегі Төтенше және Өкілетті Елшісі болып тағайындалды.
Сонымен қатар, Қазақстанның Үндістандағы елшісі Ерлан Әлімбаев Қазақстан Республикасының Шри-Ланка Демократиялық Социалистік Республикасындағы, Бангладеш Халық Республикасындағы, Непал Федеративтік Демократиялық Республикасындағы, Бутан Корольдігіндегі, Мальдив Республикасындағы елшісі болып тағайындалды.
Қазақстанның Венгриядағы елшісі Жәнібек Әбдірашов Солтүстік Македония Республикасындағы елші болып тағайындалды.
Дәулет Ембердиев Қазақстан Республикасының Кувейт Мемлекетіндегі елшісі қызметінен босатылды.