АҚШ-тың мемлекеттік хатшысы Майкл Помпео журналистерге ел билігі президенттік жұптың ауруы төңірегіндегі қалыптасқан кез келген оқиғаның дамуына дайын екенін мәлімдеді.
Ол президент әкімшілігі Трамп ауруын өз мүддесі үшін пайдаланғысы келетін шет мемлекеттердің кез келген дұшпандық әрекетіне дайын екенін ерекше атап өтті.
«Біз орын алуы мүмкін оқиғалардың дамуының барлық нұсқаларына толық дайынбыз», — деді ол, Трамп жексенбі күні ауруханадан тікелей ұлттық қауіпсіздік мәселелеріне жауап беретін әкімшілік өкілдерімен кеңес өткізгенін атап өтті. «Ол бүгін ұлттық қауіпсіздікке жауапты барлық өкілдермен сөйлесті», — деп нақтылады ол.
Помпеоға сондай-ақ қандай да бір шет мемлекеттер Трамптың ауруын өз мүддесі үшін пайдалана ала ма деген сұрақ қойды. «Барлық команда дайын. Біз әлемде дұшпан адамдар бар екенін білеміз. Құрама Штаттар толығымен дайын, Мемлекеттік департамент те, біздің дипломаттар да дайын. Бүгін түстен кейін мен генерал [Марк] Милимен (Америка Қарулы Күштері штабтары бастықтары комитетінің төрағасы — ТАСС ескертпесі) сөйлестім. Барлығы дайын», — деп жауап берді америкалық дипломатия басшысы.
Жексенбі күні президенттің дәрігерлері оны ауруханадан дүйсенбі күні шығара алатынын, содан кейін ол Ақ үйге қайтып оралып, емдеуді жалғастыратын хабарлады. Трамптың Ақ үй таратқан дүйсенбі күнгі кестесінде Америка көшбасшысының қатысуымен ешқандай шара жоқ. Онда оны ауруханадан шығаратыны айтылмаған.
Трамп жұмаға қараған түні Twitter-де жұбайы Меланьяның коронавирусы анықталғанын хабарлады. Жұма күні кешке Мемлекет басшысы Мэриленд штатындағы Уолтер Рид атындағы ұлттық әскери-медициналық орталығына келді. Ақ үйдің баспасөз хатшысы Кейли Макинэнидің түсіндіруінше, Трамп сақтық шарасы ретінде алдағы күндерін осы медициналық мекемеде өткізіп, сол жерден жұмыс істеуді жалғастырады. Госпитальға ұшар алдында америкалық көшбасшы Twitter-ге бейнебаян жариялап, Меланья екеуінің жағдайы жақсы екенін айтты.
Соңғы күндері коронавирус президенттің көмекшісі Хоуп Хикс, Трамптың бұрынғы кеңесшісі Келлиэнн Конуэй, үш республикашыл сенатор, Республикалық партияның Ұлттық комитетінің төрағасы Ронна Макдэниел, Ақ үй басшысы Уильям Степиннің сайлауалды науқанының менеджері, Трамптың жеке көмекшісі Ник Лунадан, Ақ үйдің баспасөз қызметіндегі үш журналистен анықталды.