Польша Украинаға Leopard танктерін беретінін мәлімдеді

Польша президенті кеңсесінің өкілі Якуб Кумох Польша батыс елдерінің коалициясымен Leopard танкісін Украинаға беретінін хабарлады.

Бұл туралы ол 2023 жылғы 9 қаңтарда, дүйсенбі күні Польша президенті кеңсесінің халықаралық мәселелерге жауапты өкілі Якуб Кумох БАҚ-та Варшаваның аталған танктерді Киевке беруді жоспарлап отырғаны туралы пайда болған ақпаратқа қатысты жауап бере отырып айтты.

«Іс қаралу үстінде», — деді ол Zet радиостанциясының эфирінде, сондай-ақ ол «Польша Leopard танкісі бар елдердің белгілі бір коалициясына қатысу үшін ұсыныс» талқыланып жатқанын атап өтті.
Кумох «әңгіме қолдау көрсету және бірнеше елдің коалициясына қатысу туралы болып отыр» деп мәлімдеді.

«Польша ондаған немесе жүздеген танктерді береді деп айту — бұл абсурд», — деп атап өтті Польша президенті кеңсесінің өкілі.

«Украина Батыс елдерінің бір тобынан танктердің осы түрінің шектеулі санын алуға қызығушылық танытты. Польшада олар бар, Польша коалицияның бір бөлігі бола алады, бірақ жалғыз өзі ештеңе істемейді», — деді ол.

Польша радиосы таратқан бейресми ақпарат бойынша Польша билігі Украинаға 200-ден астам Т-72 танкісін және ондаған жаяу әскер жауынгерлік машиналарын жіберген. Жеткізілген техниканың саны туралы ресми ақпарат жоқ, алайда үкімет украиналық тарапқа техниканың үлкен партиясы берілгенін хабардар етті. Бұған өтемақы ретінде Польша неміс Leopard танктерін алуға үміттенді. Польша армиясының қару-жарақ қорында 2A4 нұсқасындағы 126 танк және 2A5 нұсқасындағы 105 машина бар.

Добавить комментарий