Польша Киевке қару-жарақ еш кідіріссіз жеткізілуі керек екенін мәлімдеді. Бұл туралы үкіметтің ресми өкілі Петр Мюллер айтты.
Ол Польша «алдыңғы шептегі мемлекет» екенін атап өтті.
Батыс Украинаға қару-жарақты еш кідіріссіз жеткізуі керек, себебі «егер (қару-жарақ — ТАСС мыс.) екі аптадан кейін жеткізілетін болса, кеш болуы мүмкін». Бұл туралы сәрсенбі күні польшалық TVP 1 телеарнасына берген сұхбатында Польша үкіметінің ресми өкілі Петр Мюллер мәлімдеді.
«Польша және біздің одақтастарымыз — АҚШ, Ұлыбритания және тағы бірнеше ел Украинаның аумағын ғана емес, Еуропаның қауіпсіздігін де қорғауы үшін Украина аумағына қару-жарақтың үлкен партиясын жібереді», — деді шенеунік.
Петр Мюллер Польшаны «алдыңғы шептегі мемлекет» деп атады, алайда Польша Украинаға қандай қару-жарақ жеткізіп жатқанын нақтыламады. «Мұндай нәрселер жария етуге жатпайды», — деп түсіндірді ол.
Польша үкіметінің өкілі «украиндықтар Польша қару-жарақ жіберіп, ең көп көмек көрсеткен ел екенін ашық айтып отыр» деп атап өтті.
