Әлеуметтік желіде жарияланған видеода Теміртауда жедел жәрдем көлігінің жүргізушісіне шабуыл жасалғаны көрінеді. Белгісіз біреулер көпқабатты үйдің ауласында шақыртуға келген медицина қызметкерін ұрып-соғып, оның жеке заттарын ұрлап кеткен.
Жәбірленушілер кейбір заттары ұрланғанын хабарлады. Қауіпсіздік қызметі мен полицейлер ізін суытпай 25 жастағы және 29 жастағы екі ер адамды ұстады. Күдіктілер қазіргі уақытта уақытша ұстау изоляторында қамауда отыр.
Зардап шеккен жүргізуші, 45 жастағы медицина қызметкері медициналық мекемеге жүгінген. Полиция аталған оқиға бойынша қылмыстық іс қозғалғанын хабарлады.